|
Utóar An utóar al sa fà scià frèc´. I làras i s’è fac´ rusì, i rugui i-à pers giandi e fói, al dì al sa s’è scürtat. Tüt al stà a dimustrà ch’an s’è an pienu sumartì. La téra l’à dac´ tüt quat ca la pudeua, ma prima da lagala pusà, n’è preparala par l’an dopu; ne ´ngrasala e la segal da summnà. L’e tep a’ d’angrasà i prac´, da la dumà a la sera, cun la noc´, a-s-uet ‘nscì rosci da tzetasc´, ciamac´a giurnada par an franch al dì, ch’i trota sü par li costi cargac´da grasa cun al so bèl gerlatì. Scià al frèc´ al finis a’ i laurà; sü an da la torba già al gela e fin a l’an ca uè as pöp pü ´ndà. I omm fo an di cantier sól si laóra da dit i cuntinua, i ótar ae custrèc´, pür sènsa disocupazüu, a turnà an da li söi cà. Da la stagiüu an di Grisù, al tórna a’ li matèli ca li fa cuntec´ tüc´ cun al purtà: franch, ciculac´, caramèli e piac´, ch’infila sü la peltrera. Ma par lóor gh’e miga da pusà, li uà a ser-uì a Com, a Uares u a Milà. Al bes-ciam, gió da mut, i la ferma an di magèngh, a fa grasa par la primavera e quèl residuo d’erba a spelücà, prima ch’al riui la nef e a gelà. Li stali dal paes ae amó frègi, ma l’e gnamó tep par la get da rintanas; gh’e da ´nda par lègna e par patüsc´. Dal dì i sa scólda cun quèl pit da sól e par la sera e la dumà, cuma a la primavera, n’e cuntentas da la fiama dal figulà. L’e tep a’ da castagni, quii d’abriga che da sèlvi nun-i-ga-n-à i-à sèmpar üsat ´nd a Santa Cristina a spigulà, ma cun al frèc´, a’ tata pura di uilàsch, padrù da li sèlui, che mal i tuleraua quèla in-uasüu, chi cunsideraua – ladar. Utóuar l’e a’ al mes da Rosari; tüti li seri i la dis an gesa. Li fómni e i tzetasch i-à miga da mancà Ma al u-à untera a’ matei e matèli, par fa ´nsèma ina bèla cantada e truas, dopu, an da li stradi, da piach u da palés, a cüntala. di Luisa Moraschinelli |
|
|
|
Abriga.it
nasce come portale della cultura, delle tradizioni, delle bellezze paesaggistiche
del territorio di Aprica.
Nelle pagine si potrà trovare tutto ciò che ha attinenza con la nostra storia, ma anche con l'attualità. |
|
Pagina creata in: 0.003 sec
|
| Tutto
il materiale in questo sito è © 2004-2026
di Abriga.it C.F. 92022100140 Informativa legale
All rights reserved |