Roncaiola in inverno

[Ezio]

Runcaöla d’invèren.
Cùma tàa sée bèla o Runcaöla
sùta ‘l capèl bianch del Masücc .
‘N ciel dai öcc de Madòna
‘l ta fa de auréula
’ntànt che ‘l sul ‘l bàsa la tò Gésa,
gìgliu ‘n mèz ai cà
grisi cùma pulénta taràgna.
Pundàda sùra ‘l cràp del Dùch
ta sée colda
cùma ‘l cör de nà màma.
La nèv la ta bàsa sü
per ‘n pìt pòo cùma d’incànt
la svanìss sùra cràp
e buschìni culur chisciöl.
L’è invèren de per tütt,
ma mìga per ti, o Runcaöla.
Tiran ‘l ta vàrda sü sùt
e ‘l par che slùnghis li màa
per sculdàs al tò sul.

Ezio Maifrè

( foto di Eugenio Danise)