Bundi ca le Gabinat

[Luisa]

Bun di ca le Gabinat!!!!!!
Bun di ca le Gabinat,
e che, almenu no d’abriga, an sa ferma.
Che di?
Ueramènt i arbui a Liscet
Ae amò ilò a se mèz sufucac’ da budò.
Li castagni li marüda an dal so risc’,
e a so tep li croda,an ogni modu.
Ma ghe amò uargü ca uà a ramali sü?
A spigulà?
A metali sü la grà a secà,?
a fa cös, an dal culderat li belagoti,
da da ai tzetasc che, cuma an cö,
di da gabinat, i uàua da ca’ an ca’,
a usà la tiratèla:
“Bun di ca le gabinat......,
deman an sac, deman an pügn….
Par purtà a ca’ sta grazia di diu par quii tep,
ma urmai inütil ai nos di.
Da lamentas? No
Le sol par fa an pas an dre,
par da ina ügiada ai tep magar,
quandu, cun an branchèl da belagoti e poch an sèma,
an faua la scena.
Cun quest donsa la os, no da quii tep e quii d’an cö,
par usà an sèma, da ina ual a lotra,
“Bun di ca le gabinat” (2014)

Luisa Moraschinelli