Auanti cun li centenari an Abriga|||

[Luisa]

Auanti cun li centenari an Abriga!!!!!!!
A’ al Catirinì* la g-à là facia.

Auanti cun li centenari an Abriga! E lé la quinta.
An urares di’ - da sti tep -,
ma forsi l’e da sèmpar, da nos regórd.
Questa, ch’à més al pè sü stu rar traguardu,
l’é la Caterina Della Moretta in Liscidini,
(festegiada unureuelmènt da i sö e a’ sü i giurnai)
ciamada an dal nos dialèt: Catirinì. Clas 1911.)
Cént agn!!! e al ma par ier ca la regordi matéla (giovane)
tra quili ca uaua a fa’ la stagiüu an di Hutei da Puntrisina.
An stagiüu morta, le e la so suréla, la Maria ,ca l’à precedüda an Ciel,
li lauraua la so campagna an quel da Lisced .
As pö miga di, a’ da le cuma da li otri, quatar centenari d’Abriga,
ca la sia crisüda an da la bambagia epür la ga-l’à facia.
Ma la regórdi a’ an da la so ca’ an da la contrada, d’abriga
quando gh’era am’o la so mama, ciamada la “mulinera”,
(ca restarà al scutüm da famiglia),
par al bel carateristich mulì ch’ i mandaua auanti gio a la Ganda.
Al Catirinì m’al regorda amò a’ quando l’ha més sü famiglia,
cun al so Tigliu, sémpar an da la contrada.
Cun doi fuòli e an masc’, ma sènsa grand furtüna,
par la mort da l’om, pai di sü fiüöi, quando menu i s’al-speciaua.
A par stu situazüu, da tribulà al gh’e miga mancàt,
ma da tirà a tucà i cent agn, e pasà a la storia dal nos paes,
cun al grand privilegià e da ecezü, a i nos tep,
a’ se part d’an rusciö da cinq, (tati l’e li nosi centenari d’abriga)
ca l’e miga póch, l’ares mai pensàt.
Par quést cun tuc i auguri ch’i ga fac’ , al ga riui a i nos da stu situ,
e da mi an particolar, che cun la mè famiglia,
an s’e sèmpar stac’ grand amis .
Luisa Moraschinelli/Aprica,8.05.2011
*Caterina Della Moretta in Liscidini 5 centernareia d’Aprica