"Cuntec' cuma ina Pasqua"

[Luisa]

“Cuntet Cuma ina Pasqua”
(un detto comune aprichèse e un augurio)

“Cuntet cuma ina Pasqua”
L’e an modu da d’i di nos uèc’
Ma già ca an s’e an da l’atmusfera da la Pasqua,
an pö üsal a’ cuma augurio,
tigni cünt che, cun stu di`, la nosa get,
l’al cunsideraua al masim dal be’,
quèl da l’atmusfera da Pasqua.
Cunsiderat che chi cuma nö,
da pas i n’à fac’ tanc’ e i sa rènd cünt
che pü u menu an s’e sü la stèsa strada,
an ciapa a’ sta ucasüu da las Pasqua ,
par augürà a tüc’ d’es “cuntec cuma ina Pasqua”:
a chi ca e apena uiac là sü la cumüna strada;
a chi fa’ i prim pas sustignic’ da la famiglia,
a chi sfrüta li söi energii par caminà spedit,
e i got i piasé che la uita la furnis in ogni modo,
cuma spasegià sü prac fiuric’.
An augurio a’ a chi ià fac’ pas sbagliac’
e i sa trua ‘npantannac’ u ‘nprisunat tra i fraser,
e i fadiga a uignisan fo.
An particolar auguri a chi ca mèt sü famiglia
e i la pörta auanti sfursandus da das ina ma’,
l’ün cun l’ötar a tignì la strada e andà là.
E a quii cha ae dre a fa’ sü l’iltim toch,
par solit fac’ da bosch e crap, an dopi auguri;
quèl miga sòl da uès “cuntec’ cuma ina Pasqua”,
ma da uèch forsa e paziènza da cuntinuà;
magari a’ a ratù, ma ‘ndà auanti di par di,
sfrütandu al masim quèl pit da forsi e da buna uluntà,
che al ciel e la uita la da’ a tüc’, par riuà a la scima.
L’e al me auguri par uès “cuntec cuma ina PASQUA.”
A’an quèla dal 2011.
Luisa Moraschinelli