che sensazuu quèl "Giordana 2011" an Abriga

[Luisa]

Che sensazionale quèl “ Giordana 2011” an Abriga!

Che sensaziunàl quéla sfilada da più da tremila ciclisti,
ch’i tigniua tüt al pià d’Abriga, da San Pieru a Maligna
An ol miga fa’ la cronaca dal fatu,
che già sperc’ dal ram i l’à facia,
ma esprim,la grand sensazüu da uedé möuas tata get an d’an ordin perfèt;
sènsa budèsc’, sènsa bacan; an ueru mudél da get civil.
Forsi ina prougatiua da spurtf , u an particular dal ram di ciclisti?
Otar che quii quatar balorc’ ch’i bat li piazzi!
Magari a’ cun l’intensùù da cambià al mond, quando quél al uà auanti da parlü,
miga cun mareladi, incendi, u spacà udrini,
e pegiu amò cun li bombi a cupà get e a distrüug ca’ e stradi’
ma par l’impegn da get ca fa al so duer , sènsa trop bacan..
Tremila om (a cun quach fómmni), ma an perfetu órdan,
e sü la riga da ina urganizzazüu perfeta da fa restà ancantac’,
chi che cuma mi, ma a’ tanc’ d’ótar, i-à seguit la scena dai balcù da li söi ca’.
Cumplimenc’ a tüc’ ma an particolar a l’om da mezza età,
cun la camisa gialda (Mevio) ch’al pareva ch’al gh’es niènt da fa’,
a spustas tranqil scià e là, e che, ‘nveci, da agn,
l’e lü ca mét an muimènt,:la “Pantani” prima, e sü la stésa riga, la “”Giordana” d’an cö.
Sémpar present fin a che i ultim om ià smuntat i impianc’
e netàt al terè ch’i-à ocupàt..
Cumplimenc’ a tuc’,, cumpres quii d’Abriga, che cun i ciclisti i s’e dac’ da fa’ ,
par sta grandiosa manifestazùu ca lagàt , e sigüramèn miga sól an mi,
an grand esempi da buna urgazizzazüu e grand civiltà.
Luisa Moraschinelli/Aprica “Giordana 2011”