al nos dialet - a pruposit da prumesi- nient da nof sota al sol -

[Luisa]

Al nos dialet
A proposit da prumesi “niènt da nöf sóta al sól”

“Niente di nuovo sotto il sole”
L’e miga ina nuità; al l’à diseua ün già du u tremila agn fà ( Qohelet 1/8)

A mi al ué a la mènt sti dî a sintì Obama a fa prumèsi,
cun tata enfasi da scià e da là.

Al ma regórda ina storia già sintida;
sparada ai sét uec’ cun la stèsa enfasi, se miga da pü.

Miga par tirà an bal pulitica, ca le miga al mè debul,
ma l’e regorc’ d’ina tzetasciüscia da 7-8 agn (ca seri).

Sintiui sti grandi prumesi, da l’ünica radiu dal paes,
an dal “palaz”, ca l’era li nosi scöli d’abriga.

Ca parlaua l’era al Duce e, cun quèla ós ca faua tremà li parec’.
Al prumeteua, a li famigli cun sèt fiö, la cà e al rèst al sares uignit a dré..

A ripensac’, al prumeteua miga a uanvara,
tignit cünt che, almenu üna da li ca’, an abriga, l’era riuat an tep a fala fa’.

La seconda l’ares büt da uès la nosa e a tal scopo (quèla l’e la me idea,)
al setim fiol, cundizüu par uèch la ca’, i me i l’aua pür ramat scià.

Ma la storia l’ha ciapàt ini ótra piega e li prumèsi li sa s’e sfümadi.
tat da pudè di, di front a quili prumèsi, se pür a distanza da agn che:

“Niènt da nöf sóta al sól”, a’ se l’América, l’e l’America.
An gh’al augura, cun tüt al cör; che li söi prumèsi li finisi miga an méz a li ruedi.
Luisa Moraschinelli(publ. su AlterNativa, luglio 2009