Memoria Storica Abriga 40, Ósst

[Luisa]

Memoria storica abriga 40

Agosto (premessa)

Seguendo il nostro calendario dell’Aprica degli anni 40, rituffiamoci in quell’ambiente, così come è nei ricordi di chi come me ha vissuto allora, tenuto conto che la cerchia dei testimoni si va assottigliando. Rivediamo così l’Aprica ancora suddivisa nelle sue contrade e il bel piano di San Pietro tutto verde, sgombro di case tranne le due dette – spartiacque e l’asilo poco distante.
In agosto il paese pare lasciato da godere ai villeggianti che sfoggiano la loro eleganza negli alberghi locali accontentandosi di frequentare i campi da tennis del proprio albergo e godere dei due doni della natura che sono:l’aria buona e la montagna, con le passeggiate alla portata di tutti.
La gente del paese pare eclissarsi, ma invece è impegnata nei lavori della campagna e spesso assente dal paese impegnata in Val Belviso e sull’alpe al seguito delle proprie bestie. Si ritrovano poi tutti, forestieri e gente locale, nella grande festa della Madonna Assunta patrona della Parrocchia di St. Maria e poi, se l’agosto incomincia in grande euforia, per solito, finisce con un ombra di tristezza data dalla frase comune
”da óst gió al sól l’e fósch”, un segnale d’avvio verso l’autunno caratterizzato anche dalla partenza dei “scióri”.

Ósst

Da óst l’Abriga l’e par i scióri.
La get dal paes, la sparis;
an realtà, l’e tüta ´ndafarada.
Tat par cumincià
gh’e i magénch an da la Ual,
cun i risif da segà.

Chi ch’e libar, granc´e piscinì,
i s’a uia sü an di bósch cun gerlu e cauagn.
Tacàt gió, dauanti, an scatulòt,
i-gira dal Rocul a la Nascita, al ualù,
a ramà scià mani, scirisì e piü da tüt, ghislù.

A la sera, dopu ina bèla cantada,
che da ta n tat i fa, a mèzza strada,
i tórna a cà e dirèc´ i uà gió dal Cuè,
che cuntrulàt i ghislù ch’i sia miga pisciulec´,
al pesa, al paga tüt cun bèi suldì,
che li mami li dupera par fa la spesa dal Mirì.

Tüta roba che, an nèti casèti, a la dumà,
al camiu dal Pozza&Triaca al pasa a cargà;
la uà an Svizzera, da là da la dugana,
par uès trasfurmada an buna marmelada.

A’ da fónch, i nos bósch, i na dà an quantità,
ma la get l’e difideta;
l’ai sèca par i scióri da regalà.
Piü aprezadi li manini
Che, cun la pulènt, l’e an grand disnà.

Al duarés a’ uès tep da uacansa,
ma par i “pór diau” gnamó s’an parla;
sól piü tardi a uegnarà a’ quèla üsansa,
ma i scióri già i là fa;
l’e l’ucasüu buna par li matèli ià a ser-uì
da uignì (cun i scióri) al paes, a cà, piü uisì.

A mèzz-ósst al ghe a’ la Madona;
l’ünica fera par quii d’abriga (cuntrada).
I sóna d’alegrèza par tre dì:
li fómni ´ndafaradi
a ramà sü pa “l’incanto di canestri”
e a fa tórti ca li pórta a cös
an dal fóran da la Gropa u dal Mirì.

L’abriga la uif al so munènt da grand alegria;
la piazza l’e piena da banchèc` e banchitì,
la gesa parada a grand fèsta, l’e piena zèpa.
I matei e matèli i fa sfogu dal so cantà,
cuntec´ , par ina ólta, da fas sintì
a’ da quii da la cità.

Se l’ósst al cumencia an grand euforia,
al u-à a finì, par solit, an ina cèrta malinconia.
Già al dis: “an ósst gió al sól l’e fós-ch”,
ma s’al dà a piöf, dopu la Madona ‘ damó an dì,
tüt d’an cólp, al cólt al uà a sparì.
Giurnadi grisi e frèschi li sa fa scià
E tüt al piómba an desulazüu
a’ par al partì di scóiri ch’i tórna a cà.

©Luisa Moraschinelli
(in dialetto d’Aprica con traduzione da: “Uita d’abriga cüntada an dal so dialet”)