al nos dialet - Tullio Carugo l'e un di nos

[Luisa]

Ueramènt l’e stac’ ina sorpresa truà an espusizuü al nos Centru turistich Tullio Carugo e trual cun ina produzü da quèla purtada.
Al ual la pena da di’ doi paroli e miga propri su la mostra, che par quela gh’e chi ca gh’à pü cumpetnza da mi, ma par precisà ca l’e d’abriga e da üna da li famigli pü an uista, ai me tep, i Carugo, ma a’par uès fiöl da la mèstra Cavalli, ina colonna da li nosi scöli cun la maestra Cioccarelli e la maestra Della Moretta, senza töch niént a chi ch’e uignit dré.
Da ca’ i staua al’iniziu dal la contrada d’Abriga, di frónt a la gesa. La maestra Emma Cavalli la uignia da fo, ma la da u-é cuminciat da gioana, a fa scola an abriga, tignit cünt che Tullio, an mostra, al fa uedé ina foto da la mama an ghe ca l’e cun ina roscia da alunni e la porta la data 1918.
An Abriga l’aua spusat an Carugo e i gaua tre fiöi: Mosè, Tulio e Elia.
An da la contrada l’era ina rarità, miga sòl par uès tra i prim campiù da scii an dal paese, ma era ina rarità a’ par al fatu che tüc’ tre i stüdiaua quando, an abriga ,an quèl tep, as pudeua cüntai sü i dic’ d’ina ma’ i póch furtünac’.
Forsi a’ par stu privilegiu, an da la contrada , bunariament, da lor i diseua: “I profeti sono tre:,Tullio, Elia e Mosè”-
Luisa Moraschinelli