Memoria storica - 25 aprile

[Luisa]

Uinticinq da bril!
Chi ca regórda quèsta data?
Par la storia tüc’,
ma an da la pratica
an s’e sèmpar menu quii ca gh’era
a uif quèl mumènt ch’a segnat la fi
d’an periudu da tribüleri sóta uari aspeti.
Cun la mancanza da libertà;
da l’incub par i gioagn destinac’ al militar.
da prisuner, da partigià, da disertor, da fascista?
Fin a miga saué da che banda sta.
E finalmènt la fì dal raziunamènt da la spesa;
cesat la pura di bumbardamènc’,
a’ an da la nosa situazüu da paes da pruincia;
e dopu tant tep, la libertà da cercà laurà e da uif,
an ghe ch’al gh’era. (vedi verso la Svizzera)
Ina data, al 25 d’abril, ca sarà regurdada storicamènt
a' an da la storia,
ma specialment an quii, cuma nó, ca gh’era
e…fin ca an ga s’e, ültim testimoni dirèc’.
Luisa Moraschinelli