Memoria storia - al lauèc' an da la nosa storia d'abriga

[Luisa]

Al “lauèc’” an da la nosa storia d’abriga.

Tignit cünt che an dal nos situ www.abriga.it, i-à tiràt an scena al “lauèc’”, nó an abriga an ga ina bèla sturièla da cüntà. Am la sintida dal “pór Pinèli” che da stori al gh’an aua tanti.
Lü, al diseua che problemi par al dumà al gh’an aua miga; cun i só risparmi l’aua tiràt an sèma an bel lauèc’ da marènch, miga da quii da tóla, ma ueri da or. Al diseua ch’a gli aua piacac’ sota tera gio an da i só cap da la ualmana. Nigü però era uignic’ a saué an ghe da precis.
Certu che la curiosità l’era uiua a’ ilóra.! Fatu stà che an bèl di’ ün al ghe ,’ndac’ dré sperando da uedè an ghe ca l’aua piacat quèl tesor. Ma al diau al ga fac’ li fórchi.
Al casu öl ch’al gabi üt al gerlu sü an da li spalli e cun gió an furmai da qui gref da mut , an dal fa gio an zapel, (scali’) che sal sa an da la ualmana e micidiai , al furmai an dal gerlu al ga fac’ perd l’equilibriu e lü, al curios, l’e ‘ ndac’ gió a pichi dre ai crap, al sa sé cupat e al segretu l’e restat fin ai nos di’.
Tignit cü che an quèla zona i continua a laurach dré, ót uedé che a füria da cauà fo, an bèl dì uargü i sa trua tra li mà al lauèc’ dal “pór pineli" pié da marènch!!!!!!! An sal augura.
Luisa Moraschinelli