Memoria Storica

[Luisa]

Memoria storica abriga 40

Febbraio
Rivediamo l’Aprica, nella nostra immaginazione, rigidamente avvolta nel suo candido manto. Rigidamente in quanto ormai la neve si è consolidata, anzi, per le strade si è trasformata in ghiaccio che costituisce un pericolo per i vecchi, ma un piacere per i ragazzi che in mancanza di pattini, colgono ogni l’occasione <par fa sgalosc´>(scivolare stando in equilibrio sul ghiaccio vivo).
Il sole, che a quel punto rende il manto nevoso splendente, ravviva il paesaggio e fa felice i numerosi sciatore che nelle domeniche scendono dai numerosi – pustù – provenienti dalla città. Posteggiano a fianco della statale e invadono il piano. I più coraggiosi risalgono il pendio affrontando le discese a spartineve.

FEBRER

Febrer, a’ sa l’e al pü cürt da l’àn,
l’ae salüdat da tüc´cun grand sulief;
par al dì ch’al sa s’e slungàt,
e, a’ se pür amó tüt querciat da nef,
la get la pö almenu mèt da fo al nas.

Al sól al riua gió prima da misdì.
Al comencia a scimà gió al Dos
e fermas an pér d’óri;
i uèc´i u-à al put a ciapàl tüt,
i tzetasc´ae fò, an di prac´ a scià
e i pü piscinì, par li stradi a slità.

An da li ´ndumènaghi, fo an di prac´
l’e tüta n furmigher da tzetasc´:
chi scia, chi slita, chi sgaloscia e chi barbèla;
i matei a uedé i nos – campiù – tè an dal pià,
i Stampi, al Bozzi, al Maran, al Mènicu,
l’Etore, i Carugo, al Maciu, quii dal Mi e quii dal Luni,
´npegnc´ cun al salt, la discesa e al fónd a garegià.

Al traguard, cun chi ca specia,
gh’e epà da li tzetasci,
uistidi a quach manera e dal frèc´ a bat li ganasi;
li uarda cun ´nvidia li furesteri,
ca li pórta braghi longhi, a pónta,
cólc´ magliù e brèti a quatar spiz,
cun sci che, a se miga ali,
uègai sü ai pé, da ulà, l’e póch ´ndré.

An tat ca li´nsomia e dal frèc´ li barbula,
li sa trua a pensà quèl ch’an cà al dis li mami,
ca l’e scandul par li fommni, mèt li braghi,
ma a’ se strasci, an per li g-narés,
da certu li sares miga gl-iò a bat i dec´.

Stà aria da nuità, la fa, la get, la miseria dumèntagà.
Li scorti an da li cà e masù ae scià finidi.
Ma se pulènta e patati gh’an-e-amó,
par al cumpanadagh, l’e l’ucasüu buna,
par chi ca gh’an-à, an toch da furmai, ina lüganaga
u ina scüdèla da lac´, a chi ca gh’an-à miga, da da’.

A febrer gh’e a’ la Candelora,
che, cuma i diseua i nos uèc´:
-da l’anueran semo fòra –
e, a se la primavera l’e amó ´n-glià,
l’e già ina cunsulazüu al sperà.

Prima che al febrer l’abi da ´ndà,
gh’e l’erba di prac´ da desfà fò;
i la ciama tzetasc´ e giuinoc´
che par tre dì i gira scià e là,
cun ciochi, brónzi, coragn e sampógn,
an grand alegria , a sunà.

@Luisa Moraschinelli
(in dialetto d’Aprica)

Traduzione in “uita d’abriga cüntada an dal so dialèt”