al nos dialèt - al pü bèl libar dal mond D'vinis di Alberto dell'Acqua da Grusot

[Luisa]

Al nos dialèt
Al più bel libar dal mond, sü al uì, D’VINIS da Alberto dell’Acqua da Grusót

Uà be’ ch’an se an in pruincia da uigni, ma ca l’abi da scrif e püblicà al pü bel libar dal mond al sia an ualtelines, ün di nos, l’e an fatu pü che straordinari.
L’e miga un ulé blagala, ma al libar ca l’à scric’ e püblicat an dal 2008, dal titul D’Vinis e giä ilöra premiat par al “Meilleur livre suisse de l’anné 2008”, quest’an la üngiüt al prim premi, al “Gourmand World Weine Book Award”,.
Prim an ina selezüul’ a liuèl mundial sü 6000 operi, an 40 parladi, da 120 nazüu.
An libar vulüminos, ca l’e an "munumènt" an pesu e gruseza. Scric’ an da li trei parladi nazionali (parla Svizzera) tudésch, frances e italià. Da 420 pagini cun 600 ilüstrazüu.
Le stac’ premiat al mes pasat e nientemeno che a “la Commedie –Francaise” a Parigi.
L’argumènt l’e al uì, ma miga dal gener ciuchetù u betuli, ma al dell’Acqua al fa pasà tüc’ quii pesunagi da la storia, da la mitologi, e a’ di nos dì, cun fotu sü carta patinada, che i g’à büt a che fa cun al uì. Cumpres al Nazarenu, Gesù che an da la so uita terena al n’à parlat an tanti maneri, (vedi li parabubi sü la uigna e i uignaiöi, la vite e i tralci, ecc, e amò ai nos di`, an da la liturgia al uì i la üsa par la Mèsa sü i Altar da tüt al mond).
An dal libar i trua spazi a’ tuc’ qui che da üga e da uì i sa ocupa. Cuma li asociazüu da sommelier, da gastronomia, da albergator ecc...
Ma an nos cunvaligian, par uès riuat a stu punto, ca fal?
Uèramènt le partit, par al mond , cuma tanc’ da nö, cun la tèrza media ca la fac’ a la Trombini da Tirà an dal 1973 e, dopu an tirocinio da camerier an gir tra Milà e Londra, al sa se stabilit a Luganu, cun la spusa, ina inglesina.
A Luganu cun an pó’ da ingegnu, l’à truàt la so furtüna.
Infati le da 36 agn ca la fundàt ina rivista, da grand lüsu, dal titul “Gastronomie & Tourisme” ch’al pübblica direttamente a l’internu da la tipografia Fontana Print, a Luganu. Riuista ca trata, tüt quel ca cuncern la Gastronomia, uì cumpres, dandu spazi a’ a la nosa pruincia, an da stu ram. L’ünica a Svizzera püblicada an da li trei parladi, tudesch, frances e italià.
Persunalment la riceui ogni mes e ma do da fa’ par fala cunos a’ da nö an Valtelina.
Pü dificil purtà an gir al libar “D’vinis” par al pesu e dimensüu, ma uègal an ca’ l’e certu an prezios “monumènt” (Prezzi: 124 Fr. 76 € ca)
Luisa Moraschinelli /Lugano,sett.2009 (vedi art. in italiano su l’alternativa N.VIII)