A' la ex piscina da St.Pieru (Cortan) la mostra i so agn

[Luisa]

A’ la ex piscina da S. Pieru (Cortan) la mostra i sö agn.

A’ al paes , cun li söi strütüri ,
le cuma la società an ghe cas viv.
Get c’anvègia, get ca nas;
e al paes al sa rinoua.
Al fa miga bél uedé , ne an d’an casu da la get ch’anvègia,
gne an da li stutüri ca uà an sfacelu.
Epür l’e miga tat luntà al tep ca ma üdüt inaugurà
la (ilóra) bela piscina da S.Pieru (Cortan)
Quéla che an cö la fa discùt par cuma l’as presènta,
‘nvigida e abandunada.
E poch luntà, al par a nò , ilóra an otri cundizü fisichi,
quando an riuaua gio, cun gli sci da li pisti dal Baradel,
e an gaua amó fiat e curagiu da ‘ndà dirèc an quéla piscina.
E che piasé fa la nüdada di frónt an panorama da candidi scimi!.
Al so tep le pasat, sia par nó da ilora, cuma da la piscina.
A nó l’e permès sól da regurdà,
ma a’ da sperà che chi da duer i ga meti mà,
par rend a’ quel post bel cuma an tep.
A la get poch al fa c’hal sia d’Abriga u da Cortan,
a’ se da duer, da mèt mà: a ugnün al so.

Luisa Moraschinelli/Aprica, 24.7.2011