al nos dialèt d'abriga -GABINAT agn 40

[Luisa]

al nos dialèt d’abriga – al nos gabinat , ang. 40

al gabinat da nó tzetasc’ di agn 40, an se amó an gradu da riuiuàl .
I granc’ ae già an andàt dal di prima, (5da giner) : i - scumèt sü al gabinàt -
i prim che dumà (6 da giner) i dis: “gabinat”, i uensc’, e i ótar i là perd.
(quèst al ual par tüc’ amó ai nos dì)

Par nóo tzetasc’, an particolar quii d’abriga, a la dumà dal ses ,
di da l’Epifania as uà, a bun óra a a Lisced , a – cercà al gabinat.-.
Par solit al gh’è tanta nef e ne ‘ndà dal stradu’ sperando ch’al sia pasàt al slitù.
Se ‘nueci al gh’e la nef ólta e a’ par sal-uàs dal frèc’, al fredel pù grand ,
trac’ ados la mantilina (residuo dal militar dal Pai an da la prima guèra),
al sa tira sóta i piu pisciagn. Ch’i farà fadiga a udech, ma i ga uà dre a li pedani.
A Lisced as cumencia a la ca’ da sót. Sperando ch’i sia lóor i prim.
Facil truà an ghe ca gh’e li castagni; s’al uet dal füm ca ué fo dal baitel.
Truàt al prim e dumandat permes, as s’a mèt an fila su la porta, par soli basina.
An ugiada al culderàt su l’argan, e cun sota amò la brasa, già as güsta a uedé li belagoti.
Castègni cun su la pèl lagadi aposta par quéla ucasuu e tradizuu.
Fermi sü la pórta nigü i s’a möf prima da uè ‘ntunàt, cun grand sulènità la filastrocca:
“bun di ca l’e Gabinat,
deman an sach, deman an pugn, dem ina pesciada an dal………”
A quél puntu la nona u l’amada cun la scudèla da legna la tira su li castagni ,
dal culdert e la ià met a an dal sach che i tzetasc’ i sa se purtat dré.
Dac’ a tüc’ la so scüdèla da belatoti, i più generós i tira scià ina braca da nós, da da’.
Quili però ià mèt miga an dal sach, ma an gaiofa da mangià par strada.
E uiia da ca’ an ca’ fin a Lisced da sóra .
A la fi i sera giaà al so scahet e 's-cumencia a gùstà al piasé dal cold da li belatoti
che da certu, su li spali . al da mia fastidi.
Prima da ‘ndaà da fo la nona u amada , la dis ai tzetasc’:
“disé pu sü an requiem par i nos morc’”.
A la fi i sera scià al so sachèt e s-cumencia a gùstà al piasé dal cóld da li belagoti.
Culdì che da sigür al da’ miga fastidi sü an da li spali cun quii fréc’ e scarsità da uestiari.

D’otar gir par i tzetasc’ d’an sü ,luntà da la contrada cun li sèl-ui.
Lór, a cercà al gabinat, i gira da ca’ an ca’ e an di alberghi.
Quasi d’oblich par t tüc’ , cercà al gabinat dal Mirì e dal Giuanì da l’argagn,
li unichi butighi, an paes, ca l’e a i unich furnidor dal Bambi e da la befana.
Luisa Moraschinelli/Gabinat 1940-2010 (testimonianza diretta)