I "Zapei d'Abria u Sant

[Luisa]

I “Zapei d’abriga u zona dal Sant” l’e miga ina tera da conquista,
ma sól teritori da ridach la so viabilità.

A sintì riparlà da sta nosa zona
di “Zapei d’abriga” ( par la Storia)
u “dal Sant” sia d’Abriga che da Uila,
al par ch’as parli da tera neua da cunquistà.

Ma da quat sintit an da sti dì,
al ma fac’ pensà che la neua generazüu,
(qui dal dopu 40 par ‘ntendas)
i ga resù da uès al scür da sta zona,
par an mutif pratich.

Infati quandu ae nasüc’ ià truat la stra sbarada,
a se i gaua piu bisogn da ‘ndà a laurà i cap,
an da la Ualmana, gne par legna dopu scöla,
e gna da uedé i so pai a ‘ndà a pè a Tresenda,
a ciapà al trenu par ‘ndà a laura sü an di cantier.

Tignit a’ cünt che sèt mila militi da la Serenissima,
i garà pü bisogn da fa gio i “Zapei d’Abriga”,
par ‘ndà a Murbegn an gh’e ch’a e a’ stac scunfic`,
e mès la cua tra li gambi,cuma as üsa di,
ià büt da fa dietro-front e turnà d’an ghe ca era uignic’.

Ai nos di as trata sòl da fa al sfors da ridach,
a’ stà nosa part dal teritori, la so viabilità.
L’e quèl ch’i sa s’e propost da fa la scöla da Uila,
an da stà seconda turnada.

Luisa Moraschinelli (üna da la uègia generazüu