Carelada biugrafica di utant'agn d'Abriga, fine

[Luisa]

80 anni Comune d’Aprica
Carelada biugrafica di utant’agn d’Abriga fine

IV fase La grande evoluzione anni 60-70 in poi

25) L’emigraziu, a stu punto, la s’era autumaticamènt blucada;
chi ca era da là da la fruntiera ormai i-aua mès sü famiglia
e qui restac’ al paes i truaua laurà abot da sal-uas da par löör.
I uèc’ i ciapa la pensüu, e i pö uiv dal so,
e ch’i ch’as marida ae an gradu da uès da la famiglia, ‘ndipendenc`.

26) Basta, laurà a par i tzetasc’ ! Al so impègn, l’era e le, da stüdià.
Li medi gratis an paes e dopu, a Sondri e a Tirà par li superiori.
Fin ai nos di, quandu a’ l’università l’e par tüc’ a purtada da mà.
Grandi pussibilità a’ par ‘nmparà an reditizi mister,
e mèt sü, pü u menu a la granda, cumerci e impresi.

27) A’ li dói banchi da ca’, an da stu tep,
li-à truat, e cun sucès, la so piazza an abriga,
Quando, fin a quèl mumènt, stranu a dis,
chi ca gaua bisogn da franch an prestit,
l’èra quii da la piscina contrada da Lisced, a furnii

28) La nef l’e stacia e l’e (sa speraamó) la grand manna dal ciel.
A tal scopu grand impégn a custrui impianc e strüturi adati.
Senza lagà manca i maestri da scii che dre a l’ Achille Cioccarelli,
prim a l’ancia l’ idea da la scöla, an dal cors di agn ,
i tzetasc, d’abriga, pü u menu, maestri da scii ae diuentac’.

29) L’evuluzüu turistica la pudeua miga uès rilegada an quili brachi da ca’,
ca l’era li cuntradi. Difati an da poch’ agn custrüzü püblichi e priuadi
ae nasuti cuma fónch d’ampinì tüt al pià,
A uardà da l’ólt, a part Lisced e al Belvedere, al rest d’abriga l’e tüta tacada;
cui i sö negozi e casaménc’ e bèli stradi, a ina mini cità, l’a pö uès paragunada.

30) An pö miga finì sta carelada da memoria storica di utant’agn d’abriga
sènsa regurdà li doi esclusiui nuità:

1) li dói brigaschi ch’a scimat sü i cènt agn:
al “Mariù” Damiani Maria e la “L’anì” (scimunina) Cioccarelli Anna

2) Quel da uèch par la prima ólta, cuma Sindach ina fómmna;
a LE !!! Carla Cioccarelli da fa i auguri di 80 agn a l’Abriga

Con un pensiero a chi, vissuto con noi, nel frattempo ci ha lasciati, scriviamo la parola FINE
(per la traduzione del dialetto vedi vocabolario qui inserito in www.abriga.it/dialetto

Luisa Moraschinelli (Aprica, 3 novembre 2007