Carelada biugrafica utant'agn d'Abriga 22-25

[Luisa]

80° Comune di Aprica

Carelada biugrafica di utant’agn d’Abriga


22) ……A quèl punto, man ma che i franch i riuaua scià,
l’esigenza da cercà spazi an nóui cà:
tignit cünt che al terè i ga l’aua pü u menu sü an dal pià,
a’ senza architec’ e mürador specializzac’, ramac’ scià an sèma
i-à fac’ sü li söi ca’, sènsa rimpianc’ par la contrada ca la sa spupulaua .

23) Stès destì par la campagna e al bes-ciam;
mister purtac’ auanti fin ca gh’era i uèc’ ,
e a belas, a belas, pasàc’ ià löör, par fórsa abandunac’,
danduch la pusibilità al bosch cun i budó, d’ampadrunis,
cuma, cun amareza, an cunstata an cö, ai nos di.

24) Al prugres l’e stac’ pusitif, a’ sa al g’ha büt al so prezzi.
Cun la famiglia ch’ha rót la so tradiziunal unità;
i fiöi spars, scià e là, chi par óia da libertà, ma i pü par fòrsa,
i-à an emigrazüu sempar cun l’angosa da turnà a ca’.
ma riuat, dopu agn, quèl di, i l’à truada öida e mort al figulà.

IV fase La grande evoluzione anni 60-70 in poi

25) L’emigraziu, a stu punto, la s’e autumaticamènt blucada;
chi ca era da là da la fruntiera ormai i-aua mès sü famiglia
e qui restac’ al paes i truaua laurà abot da sal-uas da par löör.
I uèc’ i ciapa la pensüu, e i pö uiv dal so,
e ch’i ch’as marida ae an gradu da uès da la famiglia, ‘ndipendenc`.
……continua
Luisa Moraschinelli (Aprica/Lugano, ott-nov.2007