al nos dialèd d'abriga- par carneual ogni scherz al ual

[Luisa]

“par carneual ogni scherz al uàal”

La lezüu d’an uermasöl (pödal pasà?

An minücul uermasöl l’aua truat aloc’
sü la foia d’an geranu dal balcù an da la mè ca’.
Natüralmente, ilò sènsa permes e senza pagà fic’.

Al pudeua a’ sta, ma al guaiu l’era ch’ al mangiaua a’ a sbafu.
e al diuraua li fói dal mè bèl fior.

An bèl di l’ó ciapàt, cun delicatèza, stacàt la fóia
an ghe ch’al staua cuma an pascià,
e sensa l’intenzüu da fach dal mal, lo sgurlit gió dal balcù..

Só stacia ilò a fach a met;
Miga ch’al sia piumbàt gió da fas mal,
Al uaua an da l’aria liger liger, senza fa bacan.

Al pareva fina ch’àl balas a tep da müsica.
Ma la nuità l’e che a mè parer’,al uardà sü ers mi,
e al pareva di: “ótar Om” ca cred`è da uès i padrù dal mond….

"prua a trat gió da stu balcù, ca l’e pu miga al dom da milà,
ma sól dan cumü quint pià d’ina mudèsta cà.,
e an uet cuma ta riuat gió? Al minim spatasciada".

Ina bèla lezüu! E da an uermasöl`!
Certu al riuarà mai a la Sorbona,
ma asé da fa fa’ al “grand om” ina pür salütar riflesüu.

Luisa Moraschinelli (carnevale 2010