sera di morc' 2012

[Luisa]

Sera di morc’ 2012

Chisà se a urgü di me paesà, an abriga,
i sa a sé regurdac’ d’ina ueègia tradizü,
da la sera tra i Sanc’ e i morc’,
cuma sta-sera?
Queèla da mèt ina scüdéla da minestra,
söta al tau, prima da ‘nda a durmì.
L’era par i nos pöör morc’.
Ueramènt, l’era an misteru a’ par nöo dilora,
ch’am s’era pu miga an sci ‘ntrech!,
ma li tradizüu li ga a’ lor al so fascin,
e cred quèl ch’i dis e i fa tüc’,
da tep luntà al costa niènt.
Ina scüdèla da minestra
che uargü i-à mangiat an pü e sigüramènt,
tignit cünt di tep magar, be’ la garà fac’.

E par nö? An modu cuma an ötar,
par regurdà li nosi tradizüu.

Luisa Moraschinelli, da Poschiavo