carelada biugrafica di 80 agn d'abriga da 4-6

[Luisa]

Al nos dialet
Carelada biugrafica di utant’agn d’Abriga
da 4-6
4) …..Cuntradi faci da cä li üni ados a li ótri cuma a prutegias,dal frèc’,
ma a’ par risparmiä mür e spazi, prezios da cultiuà.
Rispetandu la gerarchia, i naseua, i creseua, i sa maridaua, i meteua sü fameia,
e i ‘nuègiaua da generazü an generazü, sémpar an quii quatar mür
e ilò i sa slargaua tè u i sa strengeu a segond dal nàs e muri da la so get.

5) Ca’ , par solit sènsa acqua e sanitari,
e cun al sóol figulà, sia par fa’ cös che par sculdà.
Tacat a la ca’, masù da mèt dit al fè e stala cun dopia funzüu:
riparà al bes-ciam e dach a la get la pusibilità,
da sta al cólt e dai granc’ frèc’, d’anueran, sal-uàs.

6) Atóran al paes la campagna be’ tignida e an ghe pusibil, cultiuada:
a pürif , al prat fin al bosch, fac’ da laras la prima fasa
e da pèsc’ l’ótra fi sü al pelàt;
da sulif cap, sumnac’ a patati, segal, dumega , raui e furmetù.
Par la uerdüra gh’era i órc’, e an certi cas, buna a’ quèla di prac’….continua.
(Luisa Moraschinelli)