memoria storica abriga 40 - i utantagn d'abriga sü AlterNativa

[Luisa]

memoria storica abriga 40
I utantagn dal cumü d’abriga
80°del Comune d’Aprica 1927-2007

L’abriga, dal sumartì dal 2007,
la sa-s’e ‘mpegnada, an diuersi maneri,
a festeggià i utant’agn da uita dal so Cumü,
fin al 1927 frazüu da Tei. (Teglio).
Utantagn l’e quasi al masim da la uita d’in om,
ma miga par an cumü, che anzi,
al pö uès cunsiderat giouan.
La so vitalità, l’e gliò da uedé an, prugres e svilüp.
Par chi cuma no nasuc’ póch pü an là dal 1927
an gh’an ares da cüntà a pasà an rasègna.
A cumincià da l’ambient ,cun la campagna, ai tep, cultiuada,
a li söi ses cuntradi ramadi scià an cä uègi e distanziadi.
A li söi famigli patriarcali an ghe ch’i uiuea tüc’,
dal prim a l’ültim, sóta l’istes tèc’,cun al diuit be’ e mal,
sènsa pusibilità, da cambià cà,
e ciapas li söi cumudità.
Ma i tep, an da sti utantagn, cuma e cambiac’?,
A’ se cun ina guera da mèz.
tüc i gh’à la so ca’ furnida da quat ch’al ucór,
e che man ma, al prugres l’ha ‘nuentat.
Li famigli be sistemadi,
cun pusibilità, a’ i fiöi, da fas al masim da l’istüzüu
a segond da li pusibilità da mènt e da uluntà;
più u meno be’ a segond la la fürtüna e ‘ntraprendenza,
i trua a’ da svilipà li söi atiuità, an da l’area dal so paes.
A’ al be’ al gh’à pür an so prezzi:
A nos auis l’e la perdit da la campagna,
pü che an utilità an belèza d’ambiènt,
e al dispiasé da quii genitor ch’i ha pasàt i ültim agn
a specià ch’i turnas i fiöi da la guèra e da’emigrazü.

Ma la uita la continua e a stu puntu a ripet:
Auguri abriga par sti viguros utantagn.!!!!
Luisa Moraschinelli /Aprica 2008 pubblicata su