An regord, dal uif, dal Tigliu di Stampi

[Luisa]

An regord dal uif, dal Tigliu di Stampi (Attilio Stampa)

L'e amò an di nos regórc’ ,al par ier
che l’Atiliu Stampa
quèl bèl giuinòt d’Abriga,
ün di più an uista;
già grand prumesa tra i campiù da sci,
e prim a fundà al ram di non partigià;
rifugiac’, par cumencià, su li nosi muntagni, zona Guat.
Al regordi ott di prima da uès cupàt, dai fascisti.
L'era sü la porta da la baita da la Magnólta.
Armat fin ai dec’; mitra an spala,
cartuci e bombi a ma’ a la cintura.
Cun mi al mè fradèl Davide che, auisat d’an tedesch, da fugi,
da la TOT an ghe ch’al lauraua ,
l’aua decis da fa – l’uccel di bosco -.
An quèla ucasü, al Tiliu al gaua dic:
“Uen an sèma a no, Dat,(Davide) u i ta farà la pèl!”.
Ma al Dat al se miga lagàt cunvinc’
e ugnün ae turnac’ an da la so “tana” e mi gio uers ca’.
Sól ina settimana dopo, al Tigliu, l’era turnàt giò an paes,
sénsa immaginà ch’al uaua an contra a la mort.
An mal da dec’ al l’a custrét a lagà al rifugiu dal Guat,.
Nò, ch’am lauraua su la torbiera, cuntrariamèn al solit,
m’aua ciapat al sinter da Piscé pra turnà a ca’.
L'e gl’io che an pastor al m’a mès an guardia dal pericul:
“L’e tüt al dopu-misdi ch’i spara da catif giò an Abriga”,
al m’a dic’.
Ma nò a ca’ m’aua da ‘ndà!
Riuac’ an paes la mort la parea alegià su la contrada,
an quèla sera dal 14 da lüi dal 1944.
La nutizia da la mort da part di fascisti,
dal Tiglu di Stampi l’aua ragelà l’animu da tüc.
An silènsi da tomba l’alegiaua an da li ca’ mezzi öidi;
i om, già da tep , piacac’ scià e la sü i magènch,
e li fommini, sparidi an quèla sera;
an gir a cercà i sö om e fiöi,
racumandandu da miga turnà a cà par nigu mutiu.

Questo il triste corollario della fine di quel baldo giovane
che era l’Attilio Stampa la cui lapide la troviamo sul piazzale
della nostra chiesa di St. Maria.
Noi che siamo gli ultimi testimomi di queste tristi storie, ci uniamo nel ricordo.

Luisa Moraschinelli
Una ca gh’era /Aprica fine agosto 2011

[Stentaröl]

...L'e gl’io che an partor...

Cos'è un "partor"? Sta per "pastor" o significa qualcun d'altro?

Stent

[Luisa]

A Stantaröl: il termine èsatto è pastor (pastore) è stato un errore, come capita spesso!

[Amministratore]

Corretto l'errore.