"Giner ginerù, spazza scrani e masù"

[Luisa]

“”Giner ginerù, spazza scrani e masù”

Chi ca cugnos stu nos pruuerbi,
ch’i üsaua di, an da sti mes d’anveran,
quandu al tep da ramà scià di cap,
l’era ormai pasàt ià,
e quèl da uignì l’era amò luntà.?

Ueramènt l’era riferit al giner,
ma sotintes l’anveran
quandu li scorti , sia par al uif da la get
che dal besciam; an da la scrana e an dal la masù
di par di dì li scarsegiaua.

Beata quèla tera ch’am daua grand part dal uif
ma che grazia ai nos dî
che be u mal , lui u giner al cambia niènt;
li nosi ca’ ae be furnidi cun tat da frigu pié
e li masù, salvu ecezüu, li interèsa pü a nigü.

Chi ringrazià?
Al ciel u al tep ca pasa?
E da la tera an po’ fan a menu par uif,
a se al regord dai nos bei cap e prac’,
ca creaua an quadar uif da stagiuu a stagiuu,
al manca a chi ch’al cunserua an da la mènt a an dal cör.
Luisa Moraschinelli/Marzo 2011