Stori da paes. E se al leuèc' di marènch.....

[Luisa]

Stori da paes.
E se al leuèc’ di marèngh d’or dal pòr Pineli,
al fùs sóta li corni da la so ca’ tracia gio?

A uedè quèl ca resta da quèla cà,
ilò apróf a la mè d’an tep,
amó ina ólta al mè uignit a la mènt
üna da li tanti stori da la so fantasia?
La dumanda afiurada a la mént,
di frönt a quél muntù da corni, l’e:
Se al famos leuéc’ pié da marengh d’or,
ch’al diseua da uè piacàt, al füs ilò sóta?
Ueramént lü al diseua ch’al l’aua suteràt an di só löch,
da li ualmani, ma l’e campàt uèc’
e al pudeua a’ uèch cambiat idea.
A stu puntu, par sta sül pianu da la so’ fantasia,
al pudares a’ capità, quando i metarà mà al material,
da uedé tacas sü a la rüspa, an leuéc’.
Nu al pudares, miga uès quél tat reclamat ai tep,
e destat grand curiosità an da la get,
al leuéc di marench d’or dal póor Pineli?

Da cret u miga cret?
“L’e amo uif chi ca la cünta”.
Cuma i üsaua dì ai tep.

Luisa Moraschinelli/Aprica dic.2010