Memoria storica - al Natal da sèmpar e l'albero

[Luisa]

Memoria storica
Al Natal da sèmpar

Che bel al Natal da sèmpar!Ma qual?
Quèl di agn 30-40, an ca’ fregi e sòl cun al cólt da la stala,
e la sera da la uigilia ‘ndafarac’ a cercà al fé,
da mèt an dal piàt par l’asan ch’al sares pasat an da la noc`?
E la Mèsa an da la Gesa frègia, ma dauanti al “Mistero”,
d’ an Dio ch’al s’e fac’ piscian da nas an d’ina stala,
cal ta parea da percepì al ulà di angei sü l’altar.
E a la dumà a uedé i uedar da la finestra ricamac’ dal gel,
ma truà che l’asan, cun al Bambi’, l’era pasat e l’aua lagàt i doni,
póca roba, ma preziosa par quii tep?.
U al Natal cun la famiglia atoran a ina pulenta u pizzocar?
La famiglia ‘ntrega ca la ga sarà miga sèmpar?
U al Natal luntà, an emigrazüu, che ina sera a tarda noc’,
ta sèntat usà par la scal: la mama!, la mama!
E l’era miga an sogn, ma la mama l’era propri riuada,
dopu li peripezii da quii tep, par pasà al Natal cun i sö fiöi.?
U al Natal pasat cun la famiglia da la surèla,
cun i tzetasc’ piscian atoran a l’ alberel a fa’ festa,
a’ par qui regai miser d’an magliunci’, ina breta, an per da guanc’,
fac’ a ma’ cun póch franch risparmiac da la paga,
che pür n’eua da mandà a ca’.?
U al Natal da la fèsta da la dita cun tat “ben di diu” da mangià e bef,
e pensà a la “gratifica” ch’at permeteua da rigiras tè.?
U al Natal an da la to cà, cumprada cun i tò franch,
dopu tüc’ i agn magar ca te pasat?
Natai bei u menu bei che ià segnat la uita an be, e’ an mal.
S’an pensa a chi ca gh’è pü, a la famiglia che pü u menu par tüc’
prima u dopu la diminuit da nümar *.
Ma al Natal da sempar al rèsta;
quel d’an ciel stelat, e atóran magari querciat da nef (a’ se pü garantit);
i pèsc’ cargac’ da nef;, i sciator, a’ se an cö pü atrezzac’ e numeros,
al uaghi a’ par an bù disnà e an scambiu da regai. (a’ sa l’è pü al Bambi’ a purtai)
Ma al Natal da sèmpar le pür quel da truà l’atmusfera an Gesa u fo.
Creas an spazi par al pür sèmpar “Misteru” ch’al regorda:
an Dio ch’al sa se fac’ om, ca l’e uignit sü stu nos mond.
BUON NATALE
Luisa Moraschinelli /pubbl.su l’Alternativa N° 5
* Per La ricorrenza, un pensiero vada a quelle famiglie del nostro paese,
colpite in modo tragico in questo anno.
Ch i loro e enostri cari, dal cielo, aiutino, per quanto possibile,
a mitigare il dolore.

CH’AN

DISARESUT

TI U SIGNOR

SE AN DA STU

NATAL GH’ES DA FA

AN BEL PĖSC’ TE’

AN DAL ME’ CŐR E GA TACAS SÜ

‘NUECI DAI REGAII NOM DA TUC’ I ME AMIS?

I AMIS LUNTA’ E UISI’

QUII D’AN TEP E QUII D’AN CO

QUII CA UEDI TUC’ I DI’ E QUII CA UEDI DA RAR.

QUII CA REGORDI SEMPAR E QUII CHE SPES DUMENTIGHI

QUII CUSTANTI E QUII CA REGORDI DA TAT AN TAT

QUII DA LI ORI DIFICILI E QUII DA I TEP ALEGAR

QUII CHE, SENSA ULEL I MA FAC’ PENA’

QUII CA CUNOSI FIN AN FOND

E QUII CA CUNOSI SOL DA LI APARENSI

QUII CHI GH’A POCH DA DAM E QUI CA SO AN DEBAT DA TANT

AMIS DA POCA ‘NPURTANSA E I ME AMIS ‘NPURTANC’.

I NOM DA TUC’ QUII CA E PASAC’ AN DA LA ME UITA. AN PESCIULAT

DA LI RAIS PRUFONDI TAT CHE I SÖ NOM I UAGHI MAI FO DAL ME CÖR.

AN PESC’ DAI RAM TANT GRANC’ , TAT CHE I NOV NOM UIGNIC’ DA TUT AL MOND I SA METI AN SEMA

A QUII CA GH’E GIA’.

AN BEL PESC’ CUN

AN OMBRA GRADE-

ULA DA FA CHE LA

NOSA AMICIZIA

L’ABI DA UĖS INA

PÓSA AN DA LA

BATAGLIA DA LA UITA

Moraschinelli/Natale 2008

Nota. Trovato su i tavolini di un caffè di Lugano, in.misura grande. Scritto in dialetto locale e, tradotto da me nel nostro dialetto d’Aprica