[Luisa]

Li vutazüu! – al prima e al dopu
Al prima:
An grand da fa’, pales u sot ós par mèt an séma li listi.
Scirnì tra i miór dal paes par guidal a’ cun cumpetenza,
u semplicement, par fa’ nümar, par uèsach?
Ma i ga resù da fa la so bataglia, da fa li söi pruposti.
Ma fin al dì da li utazüu; e ilò, alt.!!!!
A di' la so, l’e la get. Punto e basta!
Al dopu:
Quando la pupulazüu la dic’ la so cun al voto,
al gh’e pü al singul ca pó fa’ e dì quel ch’al öl,
ma ina squadra cun an capu , u ina capa,
scirnida da la pupulazüu e quèla la gh’à óos an capitul,
e tüt l’ares da fa capu ilò.
Atensüu che tüt al partis già da quel - di dopu -.
Le miga dic’ che tüt al funzioni be’ cun la neua squadra,
ma i designac i ares da cullaburà, cun al capu u la capa
a fa al mei pusibil par mandà auanti qué già uiat là e auanti.
Inutil met li stanghi an da li rödi!
L’esperiènza l’ansègna ca, an da sti casi, l’e cuma tiras la zapa sü i pé;
fa’ perd tep e creà spesi inütil.
E la minoranza a che scopu?
Ma so sèmpar dumandada! Par creà beghi ,
e fas ulé mal e cancelà da li listi par i agn ca uè dre?????.
A stu puntu?
Vinca il migliore e:
Avanti sul – dopu – per cinque anni sereni e fruttuosi.
Luisa Moraschinelli