[Luisa]

An ugiada sü i “Morc’ “ d’an cö a quii di ier

An cö, an dal cimiteri da San Pieru d’Abriga (2011)
A’ se già ‘ngrandit pù ólti,
la get presènta a unurà i sö morc’ l’al querciaua ià.
Girat la pagina ‘ndre, tzetascia piscina,
riuedi quèl cimiteri.
Pochi tombi a’ se amo unich an dal paes.
Miseri, miseri sènsa i fior di nos dì;
la mama ca lucia sü ina tomba apena da dit dal cimiteri.
Mi che gnamò eri sperimentat l’efet da la mort an famiglia,
disi a la mama:” Parché lucef mama?”
“parché che gh’e gió la nósa nona” (sua mamma).
Al prim cuntatu cun la mort, sensa però fam sintì al dulor.
Miga menu misterios al fatu che an quèl di (dopu misdi di Sanc’),
al cimiteri an s’era a tö i nos morc’ da purtà a ca’.
L’era an da la nosa tradizüu l’unich di ch’i gaua al permès da uignì a so cà(cosi ci dicevano).
A la sera, tüta la famiglia la diseua sü al Rosari ‘ntrech (nelle 3 parti)
E a la fi i meteua ina scüdèla da minestra sóta al tau;
quèla che an da la noc’, l’ares büt da sfamà i nos póor morc’.
A di la uerità l’era miga da cunsulazüu qui morc’ an cà!.
E al di dopu, a ripurtai al cimiteri l’era ina liberazüu.!!!!!.
Quèla l’era la so ca’.
Quat tep pasat da qui regorc’ !!!!!
Epür al par ier e, an dal fratep, quati lacrimi le scurüut sü quili tombi;
a’ da la mè famiglia, cuma da tuti quili dal paes.

Luisa Moraschinelli (Santi e Morti / Aprica2011).