[Luisa]

80° Comune d’Aprica

Carelada biugrafica di utant’agn d’Abriga -1927 - 2007
15) ……Cuma giüdicà chi ca nas cun la camisa e i la trua cocia,
e quii ca nas bióc’ biutenc’ e i-à da pensà, già da i prim agn,
a guadagnà al pà par lör e par chi ca ué dré?
E chi ca eredita an toch da prat ca ià a póch agn al ual migliù,
e l’otar an istès toch, ma da cap, sól bu da lagà cres budó?

16) A stu punto pür cun amirazüu a par chi ca ha fac’ dal be’ al nos paes,
tanc’ a’ cunusüc’, personalmènt, cuma preuac, maestri, suori ,
om e fómmi che ueramènt i sa s’e sacrificac’ par al bè da tüc’,
an cred da fa bé a miga fa nom, tantu pü che pasac’ a l’ótra uita,
dal be’ fac’, ugnün l’e già giudicat e an spera, dal so bè, premiac’.

III fase l’evoluzione anni 40-50-60
17) Tra i agn quaranta-cinquanta, nunustante tüt,
a` l’abriga l’e pasada a ‘nda stu desena d’agn, a grand evuluzüu
An da la prima cinquina, cun la guèra da mézz,
se pür cun tüti li tribulazu dal mond atoran,
la s’e sal-uada da la fam, par i sö cap e al so bes-ciam.

18) An pü l’ha dac’ a’ ina ma’ a chi ch’era an dal bisogn cuma:
ebrei perseguitac’, sfulac’ fügic’ da li cità,
la Coce rossa, cun i sö ufici da Roma
e chi che da nö i s’e rifügiac’
a cercà, a la so manera, tranquilitä e pas.. ….continua
Luisa Moraschinelli(Lugano, Aprica, ott.nov.2007