Abriga.it il giornale quotidiano online di Aprica e della provincia di Sondrio - memoria storica

Memoria storica abriga 40
Ma’ des miliardi da : Fr?, da €?u da §?

Des miliardi da?...par nó l’e istès!
ae sèmpar fo dai nos calcui,
ma la nuità da sti dì le che tàt l’e custat,
par tentà da riuà a ‘nuersà al mónd (al nos pianeta)
par uedé cuma là ‘ncumenciat a balà a mò da bocia,
sül nos urizzónt.
Al duares uès la scupèrta dal secul!
An sci i spera i pü dai milacinq-cènt sperc’ (scienziati)
Ch’i ga laora dré al prugèt, da agn, al CERN da Ginevra.
Sènsa ulé menà gram, al sarà miga ina seconda Babele!
U, cuma i maligna i pesimist, l’Apocaslisse?
Uà- bé che par nó dal duemila,
sól póch furtünac’ i riarà al tremila;
par i ótar, la fì dal mónd l’e miga cèrta, ma sigüra.
Ma da get, an pensa, al gh’an abi amó da uignì a stù mónd!
E ilóra? Lagóngal ‘ntrech…..
Ma quii dal CERN, che sigüramènt,
i g’à miga crüsca an da la crapa
i pensa da fal miór a uedé quèl ca stà a li urigini,
an pudarà miga uès nó a fermai.
S’an surviuarà a stà scupèrta, an uedatrà.

Luisa Moraschinelli/ott-2008, pubblicata sul N.3 di “ l’AlterNativa”:ciao: