Abriga.it il giornale quotidiano online di Aprica e della provincia di Sondrio - carelada biugrafica 80 agn d'abriga da 11-14

80° Comune d’Aprica

Carelada biugrafica di utant’agn d’Abriga
11-14

11) …..Ca stüdiaua, an quii tep, as pudeua cüntai sü ina ma’.
Apena , apena abot par fa li elementari an dal paes.
D’amparà d’ôtar mister al gh’era ne mezzi, ne pusibilità;
par i solc’ ch’i mancaua, par la luntanza da la cità,
e miga da ültim, fo da scöla, i aua a’ löör, al pà, da guadagnà.

12) Al turismu l’era apena apena dre a nas e da grand elite:
Mauigna cun quii pòch alberghi e quatar cà nöui,
alternac’ amò a stali e masù; stèsa situazüu a Sampieru.
Al piä, taiat dal stradù, a ecezüu da li doi cà Ricetti e l’asilu;
tignit a prat da segà, cun la strada uègià, póch pü d’an uelütat sinter.

13) La get d’abriga, in quii agn, fac’ e dic’ cuma nümar,
presapóch, i pudeua uès quii d’an cö;
s’an pensa che sol la contrada d’abriga (Madona),
an pö cünta e rugurdà circa cènt famigli,
al calcul glubal l’e sübit fac’!

14) Chi regurdà? A’ al nos paes, cuma tüc’ quii dal mond,
i gh’aua i sö persunagi chi scimaua sü dai ótar!
Pü u menu braui e bù, ca era quii ch’ha purtat auanti al paes,
ma a dì la uerità l’e miga facil numinai sènsa ris-cià
da fa tórt a qui che, pür stando a l’ombra, ae stc’ da grand ütilità.
……..continua
Luisa Moraschinelli, Lugano-Aprica, ott-nov.2007
:ciao: