Abriga.it il giornale quotidiano online di Aprica e della provincia di Sondrio - carelada biugrafica di 80 agn d'abriga 7-10

Carelada biugrafica di utant’agn d’Abriga
7-10
7) …..La tera l’era laurada sü, sü, fina ai colàr,
an ghe che la zapa la faua scarizzi a picala gio,
al rest al bosch, fin a sóm, fac’ da rugui e tiu,
al tüt prezios par fa uif la get da quèl tep
cumpres la lègna ramada scià di`par di, par fa bói e sculdas.

8) Da la tera e dal bes-ciam i tiraua fo, par campà, l’esenzial;
al rest, i om i uaua an gir sü i cantier,
li matèli a ser-uì da Sondri, Uares a Milà,
ma a’ an Svizzera dre a i om che a pe’
da la ual malènch, i uaua a fa la stagiu da i bacan.

II fase 30-50 (di me regórc’)
9) Tüc’, an famiglia, i sa daua da fa’.
Uèc’ e tzetasc’, pür lör i cullaburaua;
an di cap u a cürà piscign an da la cüna, i prim,
stès mister, fo da scöla, i tzetasc, ma a’ ‘ndà par lègna
e a giurnada quando, a segond da la stagiuu, i-à ciamaua.

10) Li doi parochi era ativi cun i sö Preuac’ e M. Canossiani
che da la la crocerossa, (la so ca’)
li sa spustaua da l’üna e l’ótra an: gesa, asilu e uratori cumpres.
Li scöli fin a la quinta a diferènza di nos genitor
ch’i-aua büt d’acuntentas da la teza elementare....continua

Luisa Moraschinelli, Lugano-Aprica, ott-nov.2007
:ciao: