Abriga.it il giornale quotidiano online di Aprica e della provincia di Sondrio

Nosi tradizùù dal Uèndardì Sant

Da li nosi tradizuu an abriga,
quasi tut l’e stac’ cunseruàt,
ma a mé parer, üna la manca;
quèla dai tre bucù da pa’ e tre da uì,
la dumà dal uèndardì sant.
L’astinénsa, al digiù, la prucesùu cun al Cristo mort,
se miga propi seguidi in pratica,
tradizüu regurdadi.
Ma quèla dai tre bucù da pa’ e tre da uì,
da tep as ‘ne più parlàt.
Ma nóo da ina certa età am regórda quandu,
la mama, prima da ‘ndà a scöla ,
natùralmént a digiù, l’am meteua an boca,
cuma al fùs la Cumunüu:
an bucù da pa’ e dré, an “sors” da uì,
par trei ólti.
E da nutà che al pa’ al gh’era sèmpar,
ma al uì i-la cumpraua aposta dal Zichini,
par quèla Santa ucasü.

BUNA PASQUA A TUC'
Luisa Moraschinelli