Abriga.it il giornale quotidiano online di Aprica e della provincia di Sondrio

Che strage !!!

Ta tornàt al paes,
e miga da l’América dopu agn e agn,
ma d’an per da setimmani, an mes al masim.
Ta ueràt al “bollettino delle Parrochie” e ta réstat da stüch,
Ma quac’ morc’ che an dal fratep al gh’e stac’.
Par ina guera? Ina epidemia?, an disastru natüral?
Niént! Tüt al par cuntinuà nurmal.
Da l’Antonio (ghigari) ch’al sa giraua atoran a la so ca’;
la Catirina di (schimunì), me cumpagna da giòch a la pisciarota
e par ghislù e par légna sü an di bosch,
ültimamént sentasda su la baca an da la piazza dal Zichini.
Al Nandu dal Dos al pü uèc’ di Alpini e che an di ultim tep,
m’al truaua sentat fo da la so ca’.
La Onestina ca cugnosi póch, ma a le di nos,
al Gigi (Della Moretta), mè cuscrit.
Sempar an testa al so capel d’Alpinu a l’ombra da la bandiera triculor.
d’ótra figura storica, la Maria da Liscidì, ma dai tep an scià,
culona portante, cun i só, dal Bar Barbasc.
Bruno Mendozzi a lü di nos a’ se fo da la mè memoria.
E an fi al Renzo Cabello ca m’al regorda dai tep luntà ,
riuat an Abriga da tecnich, maridat e casàt an zona – dal Bas -.
Tac' mortc? trop par al minul paes cuma l'e al nos.!.
La pace sia con loro.

Luisa Moraschinelli