Abriga.it il giornale quotidiano online di Aprica e della provincia di Sondrio

Li rais natürali e quili cunquistadi

Li rais natürali l’e quili dal paes,
daci da la nosa famiglia,
(par mi l’Abriga)
tat radicadi che i agn i pasa,
ma nu gh’e uersu da strapàli.
A’ se al cumporta dopia spesa
e fadiga, a gödala tè par tè, almenu an part.
‘ndac’par forsa u vuluntà fo da paes,
pür cun l’intensüu da turnà a cà , al pü prest pusibil,
sénsa nencorgias, a la fin-fi, an s’e restac’.
Ilò an sa s’e truac’,cun in otar scespat,da raìis,
che par quat as disi,
pür mantenendo l’amor al paes,
ae altretantu radicadii da pü riuach a strapali,
se pür da ricunos, i sö uantagi.
Le al destì da chi ch’e ‘ndac’ fo da ca’
a guadagnà al pa’ cultiuandu la cunvinsüu,
che sens’otar, quantu prima i sares turnac’ .
Ma al tep, an d’an balenu l’e ulàt!
Se pu ‘s pensa che an dal fratep ,
a cà al fugulà al sa s’e smursàt,
i genitor scumpars,
i fradei par al mond sparpaiac’,
al cunvé stà an ghe ch’an s’é.

E a stu puntu? An pè da scià e ün da là,
tra li rais natürali e quili cunquistadi,
an tira, dì par dì, a campà .

Luisa Moraschinelli / (in dialetto d’Aprica (SO)
partecipato al XIV° Trofeo della poesia lombarda (Milano22.5.2011):ciao::ciao: