Abriga.it il giornale quotidiano online di Aprica e della provincia di Sondrio - La stagiuu l'e finida, li persiani li rèsta seradi

La stagiuu l’e finida, li persiana li rèsta seradi

Tanc’ ae i segnai che a’ quèst’an la stagiuu estiua l’e finida.
Menu trafich, menu get par li stradi,
li scagni mèzzi öidi fo di Bar,
menu get a mèsa ai dì feriai e a la ‘ndumènaga,
quando, an stagiüu, l’è dificil truà da sentàs.
Ma, a uardàm atóran, dal balcù da la mè ca’,
an segnal al ma culpis an particular:
uedé li persiani da tati cà seras la sera
e restà ilò , a la stèsa manera, a la dumà.
L’e gna al tep a segnà la fi da la stagiü
S’an pensa che a’ nó an Abriga an viv giurnadi pü bèli,
e cun temperadü estiui miori adès che an pienu óst.
A’ al calendari da li manifestàzü l’e an final.
Al sarà propi al müdà da mut a segnà la fi da li manifestazü.
Al ga n’e stac’ da ogni genèr e da tüc’ i güs-c’,
Naturalmènt, par chi ca ué an Abriga miga a cercà al Dom da Milà
(par ‘ntèndas)
E che bèl finila cun al müdà, a regurdà che sóra tüt,
l'Abriga l'e sèmpar an paes da montagna.
Al bèl sumartì ch’al sa prèsènta al pö regalà amó dal bu’ tep,
par rilasas da li fadighi e preparà la stagiü d’anveran, par chi ca rèsta,
sperando an da l’abundanta nef, a so tep, a rianimà al paes.
Ilóra, a’ se cun menu enfasi da la stagiü estiua ch’e dré a finì,
li persiani seradi da tati ca’, li sa uerarà da nöf cun la so get.
Luisa Moraschinelli

P.S. Martedi, 31.agosto p. ultima occasione per la visita ai murales di St. Maria, da me guidata.
Appuntamento 9.30 sul piazzale della Chiesa..Amici di www.abriga.it ci troviamo per un saluto?
Naturalmente niente da mettere sotto i denti,.se non due belle fontane d’acqua fresca a portata di mano……..:ciao: