Abriga.it il giornale quotidiano online di Aprica e della provincia di Sondrio - al nos dialèt d'abriga- Ot da mars, an pensier par li fommni

Ot da mars, an pensier par li fómni !

Puntual, ogni an,
l’ott da mars, le riseruàt
a quèl ch’i ciam:
“al gentil sesso”..
An pensier particolar;
an ram da mimósa
e scia e là an festì.
Tüti robi béli,
a’ meritadi
tignit cünt che,
la mama l’e üna sóla.
Ma an pensier al uà a’ a li fómni d’an tep,
ca pür uiuendu an da la miseria ,
e cun tata fadiga,
almenu an di nos regórc’,
era in ogni modi li – regini - an da li söi cà.
Regini miga an fatu da richèza,
ma la fómna, salvu ecezüu,
l’era la regiora ca g’aua al guèrnu da la famiglia.
Certu miga da fa paragù cun al uif d’an cö,
ma sóta certi aspec’, li fómni d’an tep,
era miga da menu da quili di nos dì.
E…cun an pensier da memoria a lór,
an auguriu a quili di nos dì’, al nos paes.
Luisa Moraschinelli /Aprica 8 marzo 2010