Abriga.it il giornale quotidiano online di Aprica e della provincia di Sondrio - al nos dialèt d'abriga

Al nos dialèt d’abriga
La Quaresima? Roba d’ótar tep? No!

La Quaresima?
Chi ca sà regórda?
Robi d’ótar tep? Sé e no!
S’am là uarda sóta l’aspèt religiós,
cuma quarantena da rinuncia e da preghiera ,
an preparazüu a la Pasqua,
sigüramènt i pü i sa gna quèl ch’al öl di’,
ma fatu stranu, an da la pratica, la quaresima,
l’e pü atual an cö che ai nos tep.
Specialmènt sota l’aspet dal mangià.
Tat, ilóra l’era quaresima tüt l’an, an fatu da quèl;
tignit cünt ch’as mangiaua quèl ca gh’era sül tau,
e cara grazia! L’era sèmpar menu dal desideràt.
Ma ai nos di’ (e parlom miga da quii ch’e ubbligac’)
quata get, specialmènt giuentü,
ch’i s’ampègna a – fa la dieta - (par dila an paroli moderni)
e miga certu par fa’ quaresima, ma par la linea,
par mantignis an fórma, cuma as üsa di’.
Buna a quèsta idea, ‘ntep da – grasina – (o superpeso)
A’ sa l’e quasi ina bestemmia, sóta certi aspec’,
ma se a l’üna, quèla da la dieta, an ga mèt a’ an pensier bu,
da rinuncia e magari fa ina elemosina an pü, le tüt da guadagnàt.
A’ par regurdà che la Gesa la dumanda miga al da pü,
ma al pusibil, a’ par al be’ da la persona umana.
Ina manera a’ quèsta par preparà ina buna Pasqua,
a’ sa la rinuncia, l’e miga l’ünica strada par riuà bé a la fèsta da Risurezüu.
A la Pasqua d’an cö, miga diferènta da quèla da ier.
Tüt al stà an da la buna intensüu, cun tat da guadagnàt an ogni manera.
Buna Quaresima.
Luisa Moraschinelli/Quaresima 2010:ciao: