Abriga.it il giornale quotidiano online di Aprica e della provincia di Sondrio - al nos dialèt

LA PRIMA NEF

Qohèlet , ligiüt an da sti dì.
al dis che “niente di nuovo sotto sole””
tüt al sà ripet a stu mónd
e a' la nef, puntuala (pü u menu),
a’ stùu fi d’ann l’e riuada.
Prima da uer scià li persiani, sta dumà,
ma so dicia:.”al sarà miga fiucat ?”
e uarda? sènsa ués an ‘ndüuina, la néf
l’aua già ‘nbiancat téc e stradi.
E…. e uarda?, uarda?
I alberei da Natal,
apena més ilò al di prima a decurà la strada,
cun i fioch fac’ da nastru, al post da la nef,
al pareua ch’i uauas miga be’.
Difati la regula la uà rispetada :
su l’alber da Natal al ga öl la néf,
e eco, rispetat a’ la tradizüu;
la nef l’e uignida gió dal ciel.. (costi compresi)
A stu puntu, già che al tep l’ha fac’ trenta,
ch’al faghi a’ trentün, cuma as usa dì, ch’al fiochi e al piöi, fin ch’al öl, ma par Sant Ambròs
al riserui quili cundizüu da néf,
da lagà fa’ bé’ i sciatór e a’ chi che da turismu i uif e i laóra.
Luisa Morachinelli/Aprica, 30.11.2009