Abriga.it il giornale quotidiano online di Aprica e della provincia di Sondrio - al nos dialèt - li uachi d'abriga che uita da sciori ca li faua!

Li uachi d’abriga! Che uita da sciori ca li faua!
Ma trui spès a pensà
e a l’ucasü, cuma an di gir di murales,
al disi a chi ca ué da fo,
che li nosi uachi, an abriga,
li faua uitata da sciori.

Quando li sö culeghi dal pià,
era mesi sota a tirà l’aratru,
che propi l’aua miga da uès an dieriment,
ma da grand fadiga ,
a’ sól a trà-ià quili gambi par niènt ladini.

Li nosi d’abriga, da l’era contadina,
li gaua al so prugram più che rispetabil;
d’anveran li staua an da la stala dal paes,
an mez a la so get cun al compit
da maià fé e bütadi gió a remügà.

Dumà e sera li sa cuncedeua,
dopu ué faci la caminada a bef a la funtana,
da uès mulgiüdi par furnì a la so get,
e sènsa tata fadiga, al lac’,
da bef, da fa furmai, maschera e büter.

E l’e miga finida! A’ la uilegiatüra li gaua:
a la primavera i-à menaua sü i magènch dal paes,
póch tep dopui, cun grand cerimunial e bronzi al col
ià faua müdà an da la Uaàl
e an pienu estat i-à purtaua sü a mùt

Dopu ué gudüt la libertà da la montagna
e pastüràt sü l’erba frèsca e fina
li faua al viag ‘anvers:
la Ual, i magench an paes
e scià al frèc’, li turnaua an contrada, a cà.
Che uita da sciori!
Luisa Moraschinelli
(in occasione della transumanza, Aprica, 29.08.2009