Abriga.it il giornale quotidiano online di Aprica e della provincia di Sondrio - al nos dialet

La torbiera Banca par i tep da crisi
La torbiera, sü li nosi muntgni,
as disares ca-e cuma ina banca
riseruada ai tep magar.
Nó d’ina certa età,
an gh’an à esperiénsa.

Quéla da ca’ , sü an Piangémbru,
la pósa agn u secui,(?)
ma ecu che scià ina guéra,
la da da laurà a la so get
par tirà a campà.

Le stac’ an sci par la guéra dal 15-18,
e stèsa roba, e an grand muimént
an da l’ültima, quèla dal 40-45,
e da questa an pö testimonià
an quantu, a’ se tzetasci, m’à partecipat.

La torba i la tiraua sü a badiladi dal söl,
an dal nastru scureul, la finia an da la machina, par uès tridada,
stündüda a secà sü li pastüri atoran,
ramada sü e an carei purtada a la teleferica,
la partiua a la stazüu da Uila par fini a alimentà li fabrichi da Milà

Che grazia da diu quéla paga ogni quindas dì, da purtà a cà!
An tep tat magar, quando,
a’ la strada da la Svizzera l’era serada.

E ades, finit al bisogn, la torbiera la pósa,
Speróm par tac’ agn! Ma miga duméntegada:
d’anveran l’e ina béla e aprezada pista da fondu;
d’estat al guazza rani e sciat e al crés erbi speciali,
ca interésa e delizia chi ca ga gira atór a fa pasegiadi

Luisa Moraschinelli, (scritta per il concorso CAI 2009):ciao: