Abriga.it il giornale quotidiano online di Aprica e della provincia di Sondrio - Memoria storica

I “Zagabri” an Abriga”
(gli ebrei all’Aprica)

An da sti tep tat as parla da ebrei,
u par üsà la parola an vòga, da la “Shoah”,
ma a mè parer póch risaltu i ga dà,
a an fatu tat impurtant an da sta trista storia,
da memurabil persecuzüu.
Chi ch’à parlàt e dis che an d’an piscian paes,
(ca l'era l’Abriga)
An ina periferica pruincia,
(ca l’era la Valtelina)
che an piena guéra, tra al 42-44,
circa dusènt ebrei (150 l’e la lista ch’an gà an mà),
miga sòl i-à truat al pasagiu da nó, uers la Svizzera,
ma i-è stac’ uspitac’, par tüt quèl tep an dal nos paes.
Acetac’ sènsa fasan an prublema,
sisstemac’ an cà priuadi e albèrghi,
rispetac’ sènsa pregiudizi da razza e prueniènza,
ma tratac’ cuma i “scióri” da quii tep,
a’ se fórsi pü “pòr diau” da nó;
se nun ótar par uès perseguitac’.
A la fì, quando gh’era pü scampu,
i-à idac’ a’ fügì par riparas an Svizzera..
Tüt quèst miga par sintit dì,
ma an se amò an tanc’ a regurdà e an gradu da testimunià.
E a cunsulazü da tüc’ , la lista da sti’“Zagabri”,
rifügiac’ an Abriga,
la pòrta, cun al nom e prueniènsa,
a’ la data da quando ae riuac’ a destinazüu
A truà finalment la salvezza.

Luisa Moraschinelli/ riportato sul N.1/2009 di AlterNativa locale